İQTİSADİ İNKİŞAF NAZİRLİYİ İLƏ BP ŞİRKƏTİ ARASINDA MEMORANDUM İMZALANMIŞDIR
AZƏRTAC xəbər verir ki, Azərbaycan İqtisadi İnkişaf Nazirliyi ilə bp şirkəti arasında makroiqtisadi idarəetmə və institusional islahatlarla bağlı məsləhət layihəsinin həyata keçirilməsinə dair Anlaşma Memorandumu imzalanmışdır.
Müddəti iki il olan layihəyə əsasən, bp şirkəti iqtisadiyyatın idarə edilməsi, makroiqtisadi sabitliyə nail olunması və səmərəli struktur islahatlarının həyata keçirilməsində nazirliyə yardım göstərəcəkdir. “bp-Azərbaycan” şirkətinin prezidenti Bill Şreyder bildirmişdir ki, sözügedən layihə həm də struktur islahatlarının planlaşdırılması və həyata keçirilməsi proseslərinə aparıcı beynəlxalq məsləhət xidmətləri vasitəsilə əsaslı tövsiyələrin verilməsini də təmin edəcəkdir.
Bölmənin digər xəbərləri
