İQTİSADİYYAT
İQTİSADİ İNKİŞAF NAZİRLİYİNİN MƏLUMATI
Azərbaycan Respublikası Prezidentinin “Azərbaycan Respublikasının Sahibkarlığa Kömək Milli Fondu haqqında Əsasnamənin təsdiq edilməsi barədə” 27 avqust 2002-ci il tarixli Fərmanına uyğun olaraq, Sahibkarlığa Kömək Milli Fondunun vəsaitləri hesabına güzəştli kreditlər verəcək müvəkkil bankların seçilməsi ilə bağlı keçirilən müsabiqənin 1-ci mərhələsinə yekun vurulmuşdur. Müsabiqə komissiyasının qərarına əsasən, güzəştli kreditlər verəcək müvəkkil banklar kimi aşağıdakı banklar seçilmişdir:
“Respublika” bankı, “Texnikabank”, “Muğan” bankı, “İlkbank”, “Parabank”, “Turanbank”.
Güzəştli kreditlər almaq üçün sahibkarlar həmin banklara müraciət edə bələrlər.
“Respublika” bankının Bakı şəhərində və Dəvəçi rayonunda, “Parabank”ın Bakı, Gəncə, Sumqayıt şəhərlərində və Beyləqan rayonunda, “Turanbank”ın Bakı, Sumqayıt və Gəncə şəhərlərində filialları vardır.
Müvəkkil bankların seçilməsi ilə əlaqədar müsabiqənin növbəti mərhələsi 2003-cü ilin yanvar ayında keçiriləcəkdir. Müsabiqənin növbəti mərhələsində iştirak etmək istəyən banklar 2002-ci ilin sonuna kimi Sahibkarlığa Kömək Milli Fonduna müraciət edə bilərlər.
Fondun ünvanı: Bakı şəhəri, S.Əskərova küçəsi, 85.
Əlaqə telefonları: 95-75-56;
95-11-05.