İqtisadiyyat nazirinin birinci müavini Şəmkirdə vətəndaşlarla görüşəcək
Bakı, 13 yanvar, AZƏRTAC
Yanvarın 16-da iqtisadiyyat nazirinin müavini Elnur Əliyev Şəmkir, Tovuz və Gədəbəy rayonlarından olan vətəndaşlarla görüşəcək.
Nazirlikdən AZƏRTAC-a bildirilib ki, görüş saat 11:00-dan etibarən Şəmkir şəhəri, Heydər Əliyev prospekti, 60 ünvanında Şəmkir Gənclər Evində keçiriləcək.
Görüşə gəlmək istəyən vətəndaşlar İqtisadiyyat Nazirliyinin rəsmi internet səhifəsində qeydiyyatdan keçməklə və ya “195-1” Çağrı Mərkəzinə zəng etməklə nazirliyin fəaliyyət istiqamətlərinə dair məsələlərlə bağlı müraciət edə bilərlər.
Bölmənin digər xəbərləri
