İran Hərbi Dəniz Qüvvələri batmış “Səhənd” esminesinin təmirinə başlayır
Bakı, 23 iyul, AZƏRTAC
İran Hərbi Dəniz Qüvvələri “Səhənd” esminesinin bərpasına başlayıb.
AZƏRTAC xəbər verir ki, bu barədə İranın İRNA agentliyi məlumat yayıb.
“Bir müddət əvvəl yanalma körpüsündə təmir zamanı çənlərinə su daxil olması səbəbindən tarazlığını itirən “Səhənd” esminesi Bəndər Abbasdakı gəmi təmiri mərkəzlərindən birinə təhvil verilib”, - deyə məlumatda bildirilir.
Hərbi Dəniz Qüvvələri batmış gəmini dənizin dibindən qaldırmaq üçün əməliyyat keçirib, daha sonra gəmi təmir mərkəzlərindən birinə daşınıb.
Bölmənin digər xəbərləri
