«İŞ AXTARMANIN DÜZGÜN YOLU» LAYİHƏSİNİN NƏTİCƏLƏRİ AÇIQLANDI
Bakı, 25 avqust (AZƏRTAC). “Trend” Xəbərlər Şirkətinin mətbuat mərkəzində "Dan" Beynəlmiləlçi Gənclər İctimai Birliyi (BGİB) “İş axtarmanın düzgün yolu" layihəsinin nəticələrinə dair mətbuat konfransı keçirilmişdir. Dövlət müəssisələrində tərbiyə alan gənclərin 18 yaşına çatdıqdan sonra üzləşdiyi problemlərin həllində dövlət və QHT-lərin birgə səyləri nəticəsində alınmış nailiyyətlər geniş mətbuata çatdırılmışdır.
Gənclər və İdman Nazirliyinin dəstəyi ilə həyata keçirilən layihənin məqsədi yeni dövrün tələblərinə uyğun kadrların hazırlanmasıdır. Əmək fəaliyyəti hər bir şəxsdən onun təbiətinə uyğun və yalnız ona məxsus olan qabiliyyəti tələb edir. Bununla bağlı “Dan” BGİB “İş axtarmanın düzgün yolu” mövzusunda təlimlər keçirmişdir.
Uşaq evləri və internat məktəblərində tərbiyə alan 100 nəfərə yaxın gənc təlimlərdən keçərək şəhadətnamə almışdır.
Bölmənin digər xəbərləri
