İşğaldan azad edilmiş ərazilərdə mineral xammal ehtiyatlarının qiymətləndirilməsi üzrə işlərə başlanılıb
Bakı, 6 aprel, AZƏRTAC
İşğaldan azad edilmiş ərazilərdə mineral xammal ehtiyatlarının qiymətləndirilməsi üzrə işlərə başlanılıb.
AZƏRTAC xəbər verir ki, bunu Ekologiya və Təbii Sərvətlər Nazirliyinin “Facebook” səhifəsində yayımlanan “Ekspert saatı”nda nazirliyin Milli Geoloji Kəşfiyyat Xidmətinin rəisi Əli Əliyev deyib.
O bildirib ki, həmin region çox böyük ehtiyatlara malikdir: “1993-cü ilə qədər bu regionda 167 yataq kəşf edilərək ehtiyatları hesablanıb və dövlət və sahə balanslarına salınıb. Burada 126 qeyri-filiz, tikinti materialları və inşaat materialları, 15 filiz yatağı və 26 yeraltı şirin və termal su yatağı mövcud olub”.
Onun sözlərinə görə, həmin yataqlarda çox böyük ehtiyatlar hesablanıb və yaxın zamanda müvəffəqiyyətlə istismara cəlb ediləcək.
Bölmənin digər xəbərləri
