İspaniyada səfirliklərə partlayıcı yollayan şəxs 18 il azadlıqdan məhrum edilib
Bakı, 24 iyul, AZƏRTAC
İspaniya məhkəməsi 2022-ci ildə ABŞ və Ukrayna səfirliklərinə, həmçinin Baş nazir Pedro Sançezə partlayıcı yerləşdirilmiş məktublar göndərən təqaüdçünü 18 il azadlıqdan məhrum edib.
AZƏRTAC xəbər verir ki, Madrid məhkəməsinin çıxardığı hökmdə yaşlı kişi terrorçuluq və partlayıcı vasitələri hazırlamaqda təqsirli bilinir.
76 yaşlı kişi üçün prokurorluq 22 həbs tələb etsə də, məhkəmə terrorizm maddəsi ilə 10 il, partlayıcı hazırlama maddəsi ilə 8 il azadlıqdan məhrumetmə cəzası ilə kifayətlənib.
İstintaq materiallarında göstərilir ki, yaşlı kişi ABŞ və Ukrayna səfirliklərinə, Baş nazir Pedro Sançezə, müdafiə nazirinə və hərbi bazalara partlayıcı yerləşdirilmiş 6 məktub göndərib. Ukraynanın Madriddəki səfirliyinin əməkdaşı bu məktubu açarkən ciddi xəsarət alıb.
Lakin məhkəmə sınaq müddəti təyin etməklə 76 yaşlı kişini sərbəst buraxıb. Onun cinayəti maraq xatirinə törətməsi və məhkumluğunun olmaması nəzərə alınıb.
Bölmənin digər xəbərləri
