İŞSİZLİK GÜNDƏ 400 SİQARET ÇƏKMƏK QƏDƏR TƏHLÜKƏLİDİR
İşsiz cavan kişilərin intihar etməsinə daha tez-tez rast gəlinir. İşsiz kişilər həm də depressiyadan əziyyət çəkir, tez-tez xəstələnir və ölürlər. Kardiff Universitetinin professoru işə həvəslə getməyi və işsizliklə bağlı depressiyaya düşmək ehtimalından uzaq olmağa sevinməyi tövsiyə edir. Professorun fikrincə, hər bir insanın “xoşbəxtlik həddi və müddəti” var. Məsələn, lotereyada uğur qazanmış insan sevinir, lakin bir müddətdən sonra onun xoşbəxtlik səviyyəsi əvvəlki həddə qayıdır.
Tədqiqatlar göstərmişdir ki, rəhbərlik əməkdaşın üzərinə daha böyük məsuliyyət qoymaqla onu xoşbəxt edir. Deməli, iş sağlamlıq üçün də çox faydalıdır. Professor Aylvard demişdir: “İnsanlara işdən həzz almağa kömək edən səbəblər var. Əsası odur ki, insanlar nəyi və nə vaxt etdiklərini nəzarət altında saxlayırlar. İş insanın xoşuna gəlməyə də bilər, lakin, əslində, onlar həmkarlarının əhatəsində özlərini dəyərli və gərəkli hiss edirlər”.
Bölmənin digər xəbərləri
