İstanbulun Sabiha Gökçən aeroportunda bəzi səfərlərdə problemlər yaranıb
İstanbul, 5 aprel, Günel Karatepe, AZƏRTAC
Bu gün səhər saatlarından etibarən qatı duman İstanbulda hava nəqliyyatında bir sıra problemlər yaradıb.
AZƏRTAC xəbər verir ki, şəhərdə görmə məsafəsinin azalması səbəbindən İstanbulun Sabiha Gökçən beynəlxalq hava limanına gələn bəzi təyyarələr eniş edə bilməyib. Bu təyyarələrdən 29-u göyərtəsində yaranan yanacaq probleminə görə İstanbul və Ankaranın Esenboğa hava limanlarına yönləndiriliblər.
Hava limanından planlaşdırılan uçuşlarda da gecikmələr olub.
Hazırda Sabiha Gökçən aeroportundakı uçuş cədvəlinin planlaşdırıldığı şəkildə hərəkət etdiyi bildirilsə də, bu hava limanından səyahət edəcək sərnişinlərin uçuşdan əvvəl reyslərini yoxlamaları ilə bağlı xəbərdarlıq edilib.
Bölmənin digər xəbərləri
