“İSTİQLALA GEDƏN YOL” MÖVZUSUNDA TƏDBİR KEÇİRİLMİŞDİR
Muzeyin direktoru Şəmsi Fəridə tədbiri açaraq xalqımızın müstəqillik yolundakı ölüm-dirim mübarizəsindən, Azərbaycanın ikinci dəfə müstəqillik qazanmasında, onun qorunub saxlanılmasında, dövlətçilik ənənələrinin yaradılmasında və inkişaf etdirilməsində ümummilli liderimiz Heydər Əliyevin əvəzsiz xidmətlərindən danışmışdır.
Mədəniyyət və turizm nazirinin müavini Ədalət Vəliyev, ölkəmizdə insan hüquqları üzrə müvəkkili Elmira Süleymanova, Milli Təhlükəsizlik Nazirliyi arxivinin rəisi Xəqani Bağırov və başqaları tədbirdə çıxış etmişlər.
Azərbaycan Dövlət Neft Şirkəti adından muzeyə Bakı-Tbilisi-Ceyhan neft kəmərinin maketi hədiyyə olunmuşdur.
Bakı özəl türk litseyinin şagirdi Rəşid Ramazanov özünün yazdığı “Yaşa, Azərbaycan” şeirini oxumuşdur.
Iştirakçılar tədbirdən sonra burada Azərbaycan Rəssamlar İttifaqının üzvü rəssam-heykəltaraş Natiq Camalın Müstəqillik gününə həsr olunmuş fərdi yaradıcılıq sərgisinə baxmışlar.
Bölmənin digər xəbərləri
