İsveç prokurorluğu “Şimal axını” qaz boru kəmərlərində partlayışları təhqiq edir
Stokholm, 14 iyun, AZƏRTAC
İsveç Prokurorluğu “Şimal axını-1” və “Şimal axını-2” qaz boru kəmərlərində partlayış ilə bağlı cinayət işi üzrə təhqiqatı payızda başa çatdırmalı və sifarişçilərin adlarını müəyyən etməlidir.
Bu barədə AZƏRTAC İsveç İctimai radiosuna istinadla xəbər verir.
Xatırladaq ki, 2022-ci ilin sentyabrında bir neçə sualtı partlayış nəticəsində Baltik dənizinin dibi boyunca Rusiya və Almaniyanı birləşdirən “Şimal axını-1” qaz boru kəmərinin və bu yaxınlarda tikilmiş “Şimal axını-2” qaz boru kəmərinin üç qolunda nasazlıqlar baş verib.
Partlayışlar İsveç və Danimarkanın müstəsna iqtisadi zonalarında baş verib, hər iki ölkə boru kəmərlərinin məhv edilməsi üzrə naməlum tərəfin qəsdən hərəkət etdiyini bəyan edir. Lakin kimin məsuliyyət daşıdığını istintaqın nəticələri müəyyən edəcək.
AZƏRTAC-ın xüsusi müxbiri
Stokholm
Bölmənin digər xəbərləri
