İsveçrədə mühafizəkarlar “Eurovision”a qarşı çıxırlar
Bakı, 17 iyul, AZƏRTAC
İsveçrə Xalq Partiyasına (SVP) yaxın ifrat sağçı partiya olan İsveçrə Federal Demokratik İttifaqı (EDU) 2025-ci ildə İsveçrədə keçiriləcək “Eurovision” mahnı müsabiqəsinin maliyyələşdirilməsi planlarına qarşı çıxır.
AZƏRTAC xəbər verir ki, EDU nümayəndələrinin sözlərinə görə, müsabiqə “antisemitizm, şeytani və okkultizm hadisəsi” istiqamətində inkişaf edir. Onlar, eyni zamanda, İsrailin müsabiqədə iştirakına qarşı son etirazları xatırladıblar. Partiyanın fikrincə, bu cür nümayişlər iğtişaşlar və digər insidentlər riskinin artdığını göstərir və bu, şübhəsiz ki, gələn ilin mayında İsveçrədə Eurovision” mahnı müsabiqəsinin keçirilməsi ilə bağlı olacaq.
Partiya müsabiqənin finalına ev sahibliyi etmək istəyən şəhərlər - Sürix, Cenevrə, Bazel, həmçinin Bern və Biel-Bienne tərəfindən maliyyələşdiriləcək şounun planlarına qarşı referendum təşkil etmək niyyətini açıqlayıb. Xüsusilə, Sürixdə Federal Demokratik İttifaqın yerli özəkləri ötən gün şəhərin təsdiqlədiyi 20 milyon İsveçrə frankı (22 milyon dollar) məbləğində çərçivə kreditinə qarşı referendum keçirmək qərarına gəliblər.
Sürix “Eurovision”a ev sahibliyi edən şəhər seçilərsə, bu maliyyə vəsaiti şounu maliyyələşdirmək üçün istifadə olunacaq. Öz növbəsində, Sürixin Kanton parlamenti 5 milyon frank krediti təsdiqləyib ki, bu da şəhərdə mahnı müsabiqəsinin mümkün maliyyələşdirilməsinə yönəldiləcək. Berndə sağçı Federal Demokratik Birlikdən olan siyasətçilər və solçu Yaşılların bəzi nümayəndələri də Bern və Biel-Biennenin sağ uğrunda yarışmaq istədikləri müsabiqəni maliyyələşdirmək üçün kredit ayrılmasına qarşı referendum keçirməyə qərar veriblər.
Bern Kanton parlamenti paytaxt ərazisində mahnı müsabiqəsinin maliyyələşdirilməsi üçün təxminən 30 milyon frank məbləğində krediti təsdiq edərsə, İsveçrə Xalq Partiyası (SVP) və Federal Demokratik Birlik (EDU) parlament səviyyəsində referendum təşkil etməyə başlayacaq. Bu sonuncu tərəf Cenevrə və Bazeldə “Eurovision” mahnı müsabiqəsini maliyyələşdirmək üçün ayrılan kreditlərlə bağlı nə baş verəcəyini yaxından izləmək niyyətindədir. İndiyədək müvafiq kreditlərin ayrılması məsələsi parlamentlərdə müzakirə olunmayıb.
Sürixdə fəaliyyət göstərən Vergiödəyiciləri İttifaqı (Bund der Steuerzahler) də “Eurovision” üçün pul ayrılmasına qarşıdır. O, Sürix vergiödəyicilərinin “özəl hadisə” hesab etdikləri “Eurovision” mahnı müsabiqəsinin maliyyələşdirilməsinə töhfə verməyin mənasız olduğunu iddia edir. Bu struktura İsveçrə Xalq Partiyasının (SVP) gənclər qanadı da kömək edir. Sonuncu hesab edir ki, “belə bir mübahisəli hadisə” üçün 20 milyonluq kredit heç bir şəkildə əsaslandırıla bilməz. Gənc Populistlər öz bəyanatlarında ictimai vəsaitlərin “üçüncü cins”in və antisemitizmin təbliği də daxil olmaqla, siyasi bəyanatlar vermək üçün istifadə olunan tədbiri dəstəkləmək məqsədilə istifadə ediləcəyindən narahat olduqlarını bildiriblər.
İsveçrənin ictimai (qeyri-dövlət) SRG SSR yayım korporasiyası Avropa Yayım Birliyi (EBU) ilə birlikdə 2025-ci ildə “Eurovision” mahnı müsabiqəsinin keçiriləcəyi şəhəri 2024-cü ilin avqust ayının sonuna kimi seçməli olacaq. Baş tutacağı təqdirdə, bütün referendumlar yalnız bu qərardan sonra keçiriləcək.
Bölmənin digər xəbərləri
