İtaliya sahillərində miqrantların olduğu qayıq batıb
Roma, 18 oktyabr, AZƏRTAC
İtaliyanın cənubundakı Lampeduza adası sahillərində miqrantları daşıyan qayıq batıb.
AZƏRTAC xəbər verir ki, qayıqda təxminən 30 miqrantın olduğu bildirilib. İtaliya sahil mühafizə xidmətinin patrul gəmiləri ilə onların bəziləri xilas edilib, həmçinin sudan bir cəsəd çıxarılıb. Sağ qalanların sözlərinə görə, 20 nəfər itkin düşüb.
Hazırda Malta qurumları ilə birgə axtarış-xilasetmə əməliyyatları davam etdirilir. Əməliyyatlara təyyarələr də cəlb olunub.
Qeyd edək ki, ilin əvvəlindən bu vaxtadək Aralıq dənizində 700-dək miqrant ölüb və ya itkin düşüb.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
