İtaliyada koronavirus əleyhinə 143 milyon dozadan çox peyvənd vurulub
Roma, 10 dekabr, AZƏRTAC
İtaliyada bu vaxtadək COVID-19 infeksiyası əleyhinə 143 milyon dozadan çox peyvənd tətbiq edilib.
AZƏRTAC xəbər verir ki, 2020-ci il dekabrın 27-dən etibarən aparılan vaksinasiya kampaniyası çərçivəsində indiyədək ölkədə 143 milyon 17 min 492 doza peyvənd vurulub. Birinci doza peyvənd qəbul edənlərin sayı 49 milyon 451 min 477 nəfər (12 yaşdan yuxarı əhaliyə nisbəti 91,59 faizdir), hər iki doza peyvəndlərini tamamlayanların sayı 48 milyon 707 min 854 nəfərdir (peyvənd olunanların 12 yaşdan yuxarı əhaliyə nisbəti 90,21 faizdir).
Ötən il sentyabrın 20-dən etibarən ümumilikdə 40 milyon 385 min 877 doza əlavə peyvənd tətbiq edilib, 4 milyon 472 min 284 nəfərə isə ikinci “buster” doza vaksin vurulub.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
