İtaliyalı boksçu: Ölkəmə qızıl medalla qayıtmaq istəyirəm
Zlatibor, 6 aprel, AZƏRTAC
"Hədəfimiz daha çox qızıl medal qazanmaqdır".
Bu sözləri AZƏRTAC-a açıqlamasında Serbiyada keçirilən Gimnaziada İdman Oyunlarında iştirak edən italiyalı boksçu Olivia Daqata deyib.
O, bu yarışda mübarizə aparacağı üçün xoşbəxt olduğunu bildirib: "Yaxşı təcrübə olacaq. Buraya medal üçün gəlmişəm. Güclü komandamız və məşqçilər heyətimiz var. Rəqiblərimizə də hörmət edirik. İnanıram ki, ölkəmə qızıl medalla qayıdacağam".
Qeyd edək ki, bu gün start götürəcək və 12-də başa çatacaq yarışda 56 ölkənin 2742 idmançısı mübarizə aparacaq. Azərbaycan 18 idman növündə - idman gimnastikası (Novi-Sad), kamandan oxatma, 3x3 basketbol, çimərlik voleybolu, boks, şahmat, tennis (Zlatibor), badminton, parabadminton, üzgüçülük, paraüzgüçülük, stolüstü tennis (Ujiçe), taekvondo, karate (Pojeqa), cüdo, güləş (Luçani), qılıncoynatma (Nova-Varoş), atletika (Priboy) üzrə ümumilikdə 191 idmançı ilə təmsil olunacaq.
Bölmənin digər xəbərləri
