İyirmi üç yaşadək cüdoçular arasında Bakı çempionatı keçiriləcək
Bakı, 8 iyun, AZƏRTAC
İyunun 9-11-də 23 yaşadək qadın və kişi cüdoçular arasında Bakı çempionatı təşkil olunacaq.
Azərbaycan Cüdo Federasiyasının (ACF) mətbuat xidmətindən AZƏRTAC-a bildiriblər ki, Hövsan qəsəbəsində yerləşən Fövqəladə Hallar Nazirliyinin (FHN) İdman-Sağlamlıq Mərkəzində keçiriləcək yarış ACF və Bakı Şəhər Gənclər və İdman Baş İdarəsinin birgə təşkilatçılığı ilə baş tutacaq.
Çempionatda paytaxt Bakının müxtəlif klublarından, cəmiyyətlərindən və idman təşkilatlarından 369 (339 kişi, 30 qadın) idmançı gücünü sınayacaq.
Yarışın qalibləri iyulun 12-14-də keçiriləcək Azərbaycan çempionatına vəsiqə qazanacaqlar.
Bölmənin digər xəbərləri
