JAK ROQQE BOK PREZİDENTİ VƏZİFƏSİNDƏN 2013-CÜ İLDƏ GETMƏYƏ HAZIRDIR
Bakı, 19 avqust (AZƏRTAC). Beynəlxalq Olimpiya Komitəsinin prezidenti belçikalı Jak Roqqe bildirmişdir ki, növbəti prezidentlik müddəti başa çatdıqdan sonra 2013-cü ildə BOK-da karyerasını başa vurmağa hazırdır.
Roqqe 2001-ci ildə BOK prezidenti vəzifəsində ispaniyalı Xuan Antonio Samarançı əvəz etmişdir və Komitənin bu ilin oktyabr ayında Kopenhagendə keçiriləcək sessiyasında çox böyük ehtimalla yenidən dörd il müddətinə həmin vəzifəyə seçiləcəkdir.
“Around the Ring” nüfuzlu olimpiya internet-resursuna müsahibəsində Roqqe anlatmışdır ki, həmin prezidentlik müddəti başa çatdıqdan sonra ümumiyyətlə olimpiya hərəkatından uzaqlaşmaq niyyətindədir.
Roqqe İTAR-TASS agentliyinə müsahibəsində demişdir: “Prezident vəzifəsinə yenidən seçiləcəyim halda 2013-cü ildən sonra, hesab edirəm ki, BOK üzvü kimi məni daha 9 il olimpiya hərəkatında fəaliyyət gözləyir. Bu isə mənə yaraşmır. Fikrimcə, uzun müddət BOK prezidenti olduqdan sonra fəxri prezident kimi istirahətə yollanmalıyam. Hesab edirəm ki, növbəti prezidentlik müddətim başa çatdıqdan sonra BOK-u tərk etməliyəm, İcraiyyə Komitəsi isə mənim barəmdə özü qərar çıxarmalıdır”.
Bölmənin digər xəbərləri
