Bakı, 2 oktyabr, AZƏRTAC

Azərbaycan hökumətinə həm öz, həm də şəhərimiz adından təşəkkür edirəm.

AZƏRTAC xəbər verir ki, bunu Kahramanmaraşın bələdiyyə sədri Hayrettin Güngör deyib.

O xatırladıb ki, Azərbaycan tərəfindən zəlzələ baş verən ərazilərə çadırlar göndərilib. Azərbaycanın tibb heyəti zəlzələdə xəsarət alan Türkiyə vətəndaşlarına gecə-gündüz tibbi yardım göstəriblər:

“Buna görə qardaş ölkəyə daim minnətdarıq. Tək millət, iki dövlət olduğumuzu hər daim hiss etmişik”.

Bələdiyyə sədrinin sözlərinə görə, Azərbaycan məhəlləsində inşa edilən mənzillər dördmərtəbəli olacaq:

“Seysmik ərazilərdə torpaqdan alınan və yoxlamalar nəticəsində baş verə biləcək təkanlara yalnız dördmərtəbəli binaların tab gətirəcəyinə qərar verilib. Bu prosesə uyğun olaraq bərpa işlərimiz davam etdirilir”.