KANADA MİLLİ POLİSİ DEPORTASİYAYA GÖRƏ ÜZR İSTƏYİR

30.09.2006 [19:14]
Çap et
A⁺ A^-

AZƏRTAC Bi-Bi-Si-yə istinadla xəbər verir ki, Kanada milli polisinin başçısı, guya terror aktında əli olmaqda ittiham edilən Maher Ararın Suriyaya deportasiyasına görə açıqca üzr istəmişdir.

Kanada polisi onu İslam ekstremisti adlandırdıqdan sonra Arar Suriyaya deportasiya olunmuşdur.

Polis başçısı demişdir ki, bu, onların tərəfindən ən böyük səhv idi. Mən bu səhvə görə camaat qarşısında sizdən, zövcənizdən və uşaqlarınızdan üzr istəyirəm.

Qəzetlər polisi Suriya əsilli kanadalı haqqında yalan məlumat yaydığına görə tənqid etmişlər.

Guya Ararın “Əl-Qaidə” ilə əlaqələri haqqında məlumat 2002-ci ildə onun Amerika hökuməti tərəfindən Suriyaya deportasiya edilməsinə səbəb olmuşdu.

Dəməşqdə o, həbs cəzasına məhkum edilmiş və Kanadanın rəsmi şəxsləri günahsız olduğunu bəyan edənədək işgəncəyə məruz qalmışdır.