“KAPELLHAUS” YENİ MÖVSÜMÜNƏ BAŞLAYIR
Birlikdən AZƏRTAC-a verilən məlumata görə, yeni mövsümdə burada Almaniya səfirliyinin təşkil etdiyi alman dili məşğələləri ilə yanaşı, iki ölkənin milli bayramları qeyd olunacaq, musiqi gecələri, rəssamların sərgiləri təşkil ediləcək, klassik və caz musiqisi konsertləri, mədəni tədbirlər keçiriləcəkdir. Hər ay muğam konserti, ayda iki dəfə alman dilində film nümayişi nəzərdə tutulmuşdur.
2006-2007-ci illər mövsümünün vokal musiqisindən ibarət ilk konsertində Fəridə Məmmədova, Yuliya Heydərova, Səidə Şərifəliyeva, Regina Rüstəmova və İlahə Sadıxzadə çıxış edəcəklər. Proqramda alman bəstəkarlarının əsərləri səslənəcəkdir.
Xatırladaq ki, sentyabrın 27-də caz musiqisi, 28-də muğam konsertləri keçiriləcək, 30-da “Caspian Moods” adlı sərgi açılacaqdır.
Bölmənin digər xəbərləri
