KƏND TƏSƏRRÜFATI TEXNİKASININ ALINMASI DAVAM EDİR

12.02.2006 [14:03]
Çap et
A⁺ A^-

Kənd Təsərrüfatı Nazirliyindən AZƏRTAC-a bildirmişlər ki, Yaponiya hökumətinin ümumi qrant proqramı çərçivəsində “Azərbaycanda ərzaq istehsalının həcminin artırılması” layihəsi üzrə ötən il kənd təsərrüfatı texnikası almaq üçün nazirliyə verilmiş 200 milyon iyen məbləğində qrant hesabına 25 “SAMPO” markalı taxılyığan alınaraq fermerlərə, torpaq mülkiyyətçilərinə verilmək üçün lizinq və aqroservis xidməti müəssisələri arasında bölünmüşdür.

Ötən 8 il ərzində Yaponiya hökumətinin ümumi qrant yardımları çərçivəsində ölkəmizə 213 traktor, 207 taxılyığan, 186 yer şumlayan, 186 toxumsəpən maşınlar gətirilmişdir.

Alınmış bütün texnika lizinq qaydasında respublikanın rayonlarında fəaliyyət göstərən fermer təsərrüfatlarına, digər hüquqi və fiziki şəxslərə icarəyə verilmişdir.

“Aqrarkredit” Səhmdar Kredit Təşkilatının məlumatına əsasən, Yaponiya qrantları hesabına alınan son texnikanın istifadəsindən Tərəfdaşlıq Fonduna yığılan vəsaitə yenidən kənd təsərrüfatı texnikası alınacaqdır. Artıq bu məqsədlə tender keçirilmişdir. Bu qrant proqramı hesabına alınan 773 ədəd texnikanın isifadəsindən 62614,4 milyon manata (köhnə manatla) qarşı 34237,8 milyon manat, Tərəfdaşlıq Fondu hesabına alınan 352 texnikanın istifadəsindən isə 3306,0 milyon manata qarşı 4003,5 milyon manat gəlir əldə olunmuşdur.

KƏND TƏSƏRRÜFATI TEXNİKASININ ALINMASI DAVAM EDİR

MÜƏLLİFLƏ ƏLAQƏ

Bölmənin digər xəbərləri