“Keşlə”–“Soçi” oyununu belaruslu hakimlər briqadası idarə edəcək
Bakı, 16 iyul, Nicat Məmmədov, AZƏRTAC
“Keşlə” və Rusiyanın “Soçi” komandaları arasında UEFA Konfrans Liqasının oyunu üçün hakim təyinatları açıqlanıb.
AZƏRTAC xəbər verir ki, iyulun 29-da “ASK Arena”da keçiriləcək görüş Belarusdan olan hakimlər briqadasına həvalə olunub. Saat 20:00-da start götürəcək oyunun baş hakimi Viktor Şimusikə Anton Qusev və Sergey Kosovets yardımçı olacaqlar. Dördüncü hakim funksiyasını isə Vitali Sevostyanik yerinə yetirəcək.
Qeyd edək ki, bu komandalar arasında ilk görüş iyulun 22-də Rusiyada olacaq və Bakı vaxtı ilə saat 20:00-da start götürəcək.
Bölmənin digər xəbərləri
