KİV: Şimali Koreya nüvə silahı daşıya bilən sualtı pilotsuz aparatı sınaqdan keçirib
Bakı, 8 aprel, AZƏRTAC
Aprelin 4-dən aprelin 7-dək Koreya Xalq Demokratik Respublikası nüvə silahı daşıya bilən “Haeil 2” strateji sualtı pilotsuz aparatı sınaqdan keçirib.
AZƏRTAC TASS agentliyinə istinadla xəbər verir ki, bu barədə Yonhap agentliyi məlumat yayıb.
Bildirilib ki, pilotsuz aparat 71 saat 6 dəqiqə ərzində 1000 kilometr məsafəni qət edərək “elliptik və səkkizbucaqlı” marşrutlar üzrə hərəkət edib və maket nüvə yükünü partladıb.
Qeyd olunub ki, sınaq zamanı sistemin etibarlılığı və onun “öldürücü potensialı” təsdiqlənib.
Bölmənin digər xəbərləri
