KONFEDERASİYANIN FƏALİYYƏTİ GENİŞLƏNİR
Son vaxtlar Azərbaycan Respublikası Sahibkarlar (İşəgötürənlər) Təşkilatları Milli Konfederasiyası Bərdə, Ağdaş, Qusar və Beyləqan rayonlarında öz nümayəndəliklərini yaratmışdır.
Konfederasiyadan AZƏRTAC-a bildirmişlər ki, indi bu təşkilat 1100-dən çox sahibkarı öz ətrafında birləşdirir. Ötən il konfederasiya yüzlərlə sahibkara biznes layihələrin işlənib hazırlanmasında kömək etmişdir.
Azərbaycan Prezidenti Heydər Əliyevin sahibkarlığın inkişafına yönəldilmiş fərmanlarını həyata keçirmək, ölkəmizdə biznes mühitini yaxşılaşdırmaq, sahibkarlıq subyektlərinin hüquqlarını, əmək və digər qanuni mənafelərini müdafiə etmək, yerli və xarici şirkətlər arasında ticarət və iqtisadi əlaqələri qurmaq, sahibkarlıq sahəsində dünya təcrübəsini öyrənməklə bağlı konfederasiya bu il üçün geniş proqram müəyyən etmişdir. İlin ilk günlərindən həmin proqram uğurla həyata keçirilir.
Bölmənin digər xəbərləri
