Konfrans Liqası: “Qarabağ” topa ən çox nəzarət edən komandalardan biridir
Bakı, 2 oktyabr, AZƏRTAC
UEFA Konfrans Liqasının qrup mərhələsinin ikinci turunun oyunlarından sonra statistik göstəriciləri açıqlayıb.
AZƏRTAC xəbər verir ki, Kiprdə “Omoniya”nı 4:1 hesabı ilə məğlub edən “Qarabağ” bir neçə nominasiyada ön pillələrdə qərarlaşıb.
Ağdam təmsilçisi topa ən çox nəzarət edən komandalardan biridir. “Qarabağ” 60,5 faiz göstərici ilə İngiltərənin “Tottenhem” komandası ilə birlikdə 2-3-cü yerləri bölüşür.
Qurban Qurbanovun baş məşqçi olduğu kollektiv dəqiq ötürmələrdə isə 83,5 faizlə 6-cı sıradadır. “Qarabağ” iki görüş ərzində rəqib qapılarında 35 dəfə qol epizodu yaradıb və bu göstəricidə isə 3-cüdür.
Qeyd edək ki, “Qarabağ” ilk turda Bakıda İsveçrənin “Bazel” komandası ilə qolsuz heç-heçə edib.
Bölmənin digər xəbərləri
