“Konstitusiya və Suverenlik İli” çərçivəsində keçirilən bədii qiraət müsabiqəsinin qalibləri təltif ediliblər
Bakı, 14 mart, AZƏRTAC
Paytaxtdakı uşaq-gənclər inkişaf mərkəzlərinin dərnək üzvləri arasında keçirilən “Suverenliyimiz əbədidir” adlı bədii qiraət müsabiqəsinin təltifetmə mərasimi olub.
Azərbaycan İstiqlal Muzeyindən AZƏRTAC-a bildiriblər ki, tədbir Bakı şəhəri 3 nömrəli Uşaq-Gənclər İnkişaf Mərkəzi və Azərbaycan İstiqlal Muzeyinin birgə təşkilatçılığı ilə “Konstitusiya və Suverenlik İli” çərçivəsində təşkil edilib.
Müsabiqədə 7 uşaq-gənclər inkişaf mərkəzindən 10-13 və 14-17 yaş qrupları üzrə uşaqlar iştirak ediblər.
Müsabiqə iştirakçıları tanınmış şairlərin yaradıcılığından Vətən, xalq, torpaq və yurd sevgisi barədə şeirlər səsləndirdilər. Onların çıxışları münsiflər heyəti tərəfindən qiymətləndirilib.
Qaliblər diplomlarla təltif olunublar.
Bölmənin digər xəbərləri
