Könüllü döyüşçü qız Vəfa Mansurova haqqında videoçarx hazırlanıb
Bakı, 27 iyul, AZƏRTAC
Yasamal rayon Mərkəzləşdirilmiş Kitabxana Sisteminin X.B.Natəvan adına 4 nömrəli kitabxana filialında qəhrəmanlarımız haqqında hazırlanan silsilə videoçarxlar davam edir.
Kitabxanadan AZƏRTAC-a bildirilib ki, növbəti videoçarx Qazax rayonunun Daş Salahlı kəndində anadan olmuş və Qazax rayonunda ilk könüllü döyüşçü qız olaraq yağı düşmənlərə qarşı döyüşən, “Şəhidlərin qız qardaşı” adını almış Vəfa Mansurova haqqındadır.
Kitabxananın əməkdaşı Esmira Zülfüqarovanın hazırladığı videoçarxda Vəfa Mansurovanın keçdiyi döyüş yolu, göstərdiyi qəhrəmanlıqlar haqqında məlumat verilib. Vətəni canından əziz tutan bu el qızının ömür yolu gənc nəslin vətənpərvərlik ruhunda böyüməsi üçün əsl nümunədir. Videoçarxda qəhrəman döyüşçü qızın fotoları əks olunub və ona həsr olunmuş şeir səsləndirilib.
Bölmənin digər xəbərləri
