“Koreya Hava Yolları” 40 ədəd “Boeing” sifariş edib
Bakı, 23 iyul, AZƏRTAC
“Koreya Hava Yolları” (Korean Air) 40 ədəd “Boeing” təyyarəsi sifariş verib.
AZƏRTAC xəbər verir ki, Böyük Britaniyanın Hampşir qraflığının Farnboro şəhərində keçirilən aviasalonda şirkət 20 ədəd uzaqməsafəli 777-9 və 20 ədəd “Dreamliner 787-10” sifariş verib. Ümumi dəyəri 15 milyard dollar olan müqavilənin fakültativ hissəsində isə daha 10 ədəd Boeing 787 hava gəmisinin alışı nəzərdə tutulub.
Sifariş verilən ilk təyyarənin Seula 2028-ci ildə çatdırılması nəzərdə tutulub.
Bölmənin digər xəbərləri
