Koronavirus infeksiyasına ölən insanlardan da yoluxmaq mümkündür
Bakı, 16 dekabr, AZƏRTAC
Koronavirus infeksiyası insanların cəsədlərində də qalır və yoluxma qabiliyyətini saxlaya bilir.
AZƏRTAC “The New York Times” qəzetinə istinadla xəbər verir ki, bu barədə almaniyalı və yaponiyalı alimlərin apardığı tədqiqatın nəticələrində deyilir.
Alman mütəxəssislər müəyyən ediblər ki, COVID-19 infeksiyasının izləri ölümdən sonrakı 17 gün ərzində cəsəddə qalır. Yaponiya alimləri isə ölü heyvanlar üzərində apardıqları təcrübələr nəticəsində onlarda xeyli miqdarda yoluxucu virusun qaldığını aydınlaşdırıb. Eyni zamanda, tədqiqatlar göstərib ki, koronavirusun canlı xəstədən yayılma riski cəsədlərə nisbətən daha yüksəkdir.
Bir müddət öncə Ümumdünya Səhiyyə Təşkilatının Baş direktoru Tedros Adanom Qebreisus dünya əhalisinin azı 90 faizində SARS-CoV-2 virusuna qarşı immunitet yarandığını bildirib.
Bölmənin digər xəbərləri
