KRIM TATARLARI ƏMLAKLARININ QAYTARILMASINI TƏLƏB EDİRLƏR

03.10.2006 [19:10]
Çap et
A⁺ A^-

AZƏRTAC Ukrinforma istinadla xəbər verir ki, Krım tatarlarının “Köydaş” ictimai təşkilatının nümayəndələri Krım Muxtar Respublikası Nazirlər Kabinetinin binası qarşısında mitinq keçirərək, 1944-cü ildə deportasiya olunarkən müsadirə edilmiş əmlakların Krım tatarlarına qaytarılmasını və sürgünə göndərilənlərə ailələrinin müharibədən əvvəl yaşadıqları Krımın cənub sahilində torpaq sahələri verilməsini tələb etmişlər.

“Köydaş” təşkilatının sədri İbrahim Əsgər demişdir ki, bu qurum Krımın cənub sahilinin sakinləri olmuş Krım tatarları barədə məlumat toplanması üçün geniş iş aparmışdır. Bu mitinqdə iştirak edən ahıl adamların deportasiya zamanı əmlaklarının siyahıya alındığı barədə arxiv arayışları var. Çoxlarının baba və ataları tərəfindən tikilmiş evləri yarımadanın cənub sahilində indiyədək qalmaqdadır.

Mitinq iştirakçıları bildirmişlər ki, yerli hakimiyyət onların tələblərini yerinə yetirməsə, piketlər davam etdiriləcəkdir.