Krımın Azərbaycan icmasının başçısı Avropa Şurasının nümayəndə heyəti ilə görüşəcəkdir
Bakı, 24 yanvar (AZƏRTAC). Krımın Azərbaycan icmasının sədrinin ünvanına Avropa Şurasının ofisindən görüş dəvəti gəlmişdir.
AZƏRTAC xəbər verir ki, bu barədə məlumat Facebook-da Krımın Azərbaycan icmasının səhifəsində yer almışdır.
Avropa Şurasının Milli azlıqların müdafiəsi üzrə Çərçivə Konvensiyasının Məsləhət Şurasının nümayəndə heyəti yanvarın 27-də Ukraynada olacaqdır. Səfər Ukraynaya dair qiymətləndirmə məruzəsinə hazırlıq məqsədi daşıyır.
Yanvarın 25-də nümayəndə heyəti Simferopolda işləyəcəkdir. Burada milli azlıqların nümayəndələri ilə görüşlər keçiriləcəkdir. Görüşdə Ukraynada insan hüquqlarının, o cümlədən milli azlıqların hüquqlarının müdafiəsi məsələləri müzakirə ediləcəkdir.
Bölmənin digər xəbərləri
