KÜLLİ MİQDARDA NARKOTİK MADDƏ MÜSADİRƏ OLUNMUŞDUR

16.05.2004 [21:21]
Çap et
A⁺ A^-

AZƏRTAC-ın müxbiri xəbər verir ki, Almaniya Niderland sərhədində yoxlamalar zamanı 2 tondan artıq narkotik maddə ələ keçirilmiş, 77 nəfərdən ibarət qaçaqmalçı ifşa edilmişdir.

Narkotik maddələrin qanunsuz dövriyyəsinə qarşı ciddi mübarizə

tədbirləri həyata keçirən Almaniya hüquq-mühafizə orqanları narkobiznesmenlərin aşkar edilməsi, ifşa olunması, narkotik vasitələrin müsadirə olunması və məhv edilməsinə yönəldilmiş əməliyyatları uğurla davam etdirirlər. Cinayət axtarış polisi əməkdaşlarından ibarət xüsusi təyinatlı əməliyyat qrupunun mayın 14-dən 15-ə keçən gecə iki ölkənin sərhədyanı şosse yollarında hərəkət edən 9200 yük maşını və 1200 sərnişin avtomobilində apardığı yoxlama əməliyyatları zamanı Almaniya və Niderland narkobaronlarını "əmtəə-pul mübadiləsində" əlaqələndirən 77 cinayətkar yaxalanmış, onların müşayiəti altında hərəkət edən nəqliyyat vasitələrindən qaçaqmalçılıq yolu ilə Almaniyaya "nəql olunan" narkotik maddə aşkar edilmişdir.

Həbs olunanların 14 nəfəri beynəlxalq axtarışda olan qaçaqmalçı və

peşəkar cinayətkardır.