Kür çayında suyun səviyyəsi artmışdır
Bakı, 17 dekabr (AZƏRTAC). Ekologiya və Təbii Sərvətlər Nazirliyinin milli hidrometeorologiya departamenti tərəfindən çaylarda sululuqla bağlı aparılan araşdırmanın nəticələri açıqlanmışdır.
Nazirliyin mətbuat xidmətindən AZƏRTAC-a bildirmişlər ki, araşdırmaya görə, Böyük Qafqazın Quba-Xaçmaz bölgəsi çaylarında sululuq ongünlük normanın 40-170, Kiçik Qafqazın çaylarında 60-110, Lənkəran-Astara bölgəsi çaylarında 40-120, Naxçıvan Muxtar Respublikası çaylarında isə 50 faizini təşkil etmişdir.
Dekabrın 17-də Kür çayının Qıraqkəsəmən məntəqəsində suyun səviyyəsində 1 santimetr artım qeydə alınmışdır. Bu məntəqədə su sərfi saniyədə 141 santimetr olmuşdur. Kür çayının aşağı axınındakı məntəqələrdə, eləcə də Araz çayının Novruzlu məntəqəsində də suyun səviyyəsində əsasən artım müşahidə olunmuşdur.
Hazırda Kür çayının Surra məntəqəsində suyun səviyyəsi 392, Şirvanda 267, Salyanda 286, Bankədə 235, Araz çayının Novruzlu məntəqəsində isə 150 santimetrdir.
Bütün məntəqələrdə suyun səviyyəsinin ötən ilin müvafiq dövrü ilə müqayisədə aşağı olduğu müəyyən edilmişdir.
Bölmənin digər xəbərləri
