Kür çayının aşağı axınında suyun səviyyəsi azalmışdır
Bakı, 5 aprel (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, hazırda Böyük Qafqazın Balakən-Şəki bölgəsi çaylarında sululuq ongünlük normanın 120-155, Quba-Xaçmaz çaylarında 90-190, Kiçik Qafqaz və Naxçıvan MR çaylarında 40-80, Lənkəran-Astara çaylarında isə 25-60 faizini təşkil edir.
Kür çayının Qıraqkəsəmən məntəqəsində su sərfi saniyədə 483 kubmetr, Qanıx çayının Əyriçay məntəqəsində isə saniyədə 134 kubmetrdir.
Son 5 gün ərzində Kür çayının aşağı axınında suyun səviyyəsinin nisbətən azalması müşahidə olunmuşdur. Surra məntəqəsində suyun hazırkı səviyyəsi 537, Şirvanda 421, Salyanda 370, Bankədə 289 santimetr həddindədir.
Araz çayının Novruzlu məntəqəsində isə suyun səviyyəsi 245 santimetr təşkil edir.
Bölmənin digər xəbərləri
