Kür çayının aşağı axınında suyun səviyyəsində azalma qeydə alınmışdır
Bakı, 23 iyun (AZƏRTAC). Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 50-80, Kiçik Qafqazın çaylarında 60-70, Lənkəran-Astara bölgəsi çaylarında 60-80, Naxçıvan MR çaylarında isə 70 faizini təşkil edir.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a bildirmişlər ki, iyunun 23-də Kür çayının Qıraqkəsəmən məntəqəsində və Qanıx çayının Əyriçay məntəqəsində suyun səviyyəsində 4 santimetr azalma müşahidə olunmuşdur.
Kür çayının aşağı axınında, eləcə də Araz çayının Novruzlu məntəqəsində də suyun səviyyəsində azalma qeydə alınmışdır.
Hazırda suyun səviyyəsi Kür çayının aşağı axınındakı məntəqələrdə -Surrada 314, Şirvanda 164, Salyanda 100, Bankədə 221, Novruzlu məntəqəsində isə 52 santimetrdir.
Bölmənin digər xəbərləri
