Kürdə biogen maddələrin miqdarı normanı keçmişdir
Bakı, 23 aprel (AZƏRTAC). Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Kür və Araz transsərhəd çaylarının, həmçinin onların qollarının çirklənmə səviyyəsini öyrənmək məqsədi ilə aprelin ikinci ongünlüyü üçün növbəti monitorinq keçirmişdir.
Nazirliyin mətbuat xidmətindən AZƏRTAC-a bildirmişlər ki, Kür çayında su sərfi saniyədə 455 kubmetr təşkil etmişdir. Gürcüstan və Ermənistan ərazilərindən axıdılan məişət və sənaye tullantılarının təsiri nəticəsində çayda biogen maddələrin miqdarı dəfələrlə artmışdır.
Şıxlı-2 məntəqəsində suyun əsas çirkləndiricilərindən olan fenollar 4, mis birləşmələri 2 dəfə yol verilən qatılıq həddini (YVQH) keçmişdir.
Araz çayının Horadiz, Bəhramtəpə və Birinci Şahsevən məntəqələrində də zərərli maddələr YVQH-dən çox olmuşdur.
Suyun oksigen rejimi bütün məntəqələrdə sanitar norma daxilində dəyişmişdir.
Bölmənin digər xəbərləri
