Latviya Rusiya ilə sərhəddə 15 bomba sığınacağı tikəcək
Bakı, 18 iyul, AZƏRTAC
Latviyanın hökumət orqanları ölkənin Rusiya ilə sərhəd bölgələrində 15 bomba sığınacağı inşa etməyi planlaşdırır.
AZƏRTAC xəbər verir ki, bu barədə Latviyanın LSM dövlət portalı məlumat yayıb.
Sığınacaqların Ludza, Balvi və Kraslava bölgələrində tikiləcəyi bildirilir. Onların inşası üçün vəsait Avropa İttifaqının Regional İnkişaf Fondu tərəfindən ödəniləcək.
Qeyd edək ki, bu ilin aprel ayında Latviyanın daxili işlər naziri Rixards Kozlovskis ölkədə “mobil sığınacaqların” tikintisi imkanlarının nəzərdən keçirildiyini deyib. Onun fikrincə, bu cür obyektlərin dövlət qurumlarının yaxınlığında yerləşdirilməsi effektiv ola bilər.
Bölmənin digər xəbərləri
