LƏNKƏRAN GƏNCLƏRİ XOCALI FACİƏSİ İLƏ BAĞLI ELEKTRON POÇT KAMPANİYASINA BAŞLAMIŞLAR
Lənkəran, 22 fevral (AZƏRTAC). Lənkəran gəncləri Xocalı faciəsinin 18-ci ildönümü ilə əlaqədar “26 fevral 1992-ci il Xocalı soyqırımına biganə qalmayın!” devizi ilə elektron poçt kampaniyasına başlamışlar.
Rayon Gənclər və İdman İdarəsinin təşkilatçılığı keçirilən, minlərlə lənkəranlı gəncin iştirak edəcəyi aksiya zamanı Xocalı faciəsini dünya ictimaiyyətinə çatdırmaq məqsədi ilə ingilis dilində dünya mətbuat orqanlarına, Avropa İttifaqına, Azərbaycandakı xarici ölkə səfirliklərinə, konsulluqlara, daimi nümayəndəliklərə, müxtəlif beynəlxalq təşkilatlara, parlamentlərə, ABŞ senatorlarına və konqresmenlərinə, beynəlxalq hüquq müdafiəçilərinə, müxtəlif gənclər təşkilatlarına və bir sıra qurumlara faciə ilə bağlı tarixi və statistik məlumatlar göndəriləcəkdir.
“26 fevral 1992-ci il Xocalı soyqrımına biganə qalmayın!” elektron poçt kampaniyası fevralın 27-dək davam edəcəkdir.
Bölmənin digər xəbərləri
