Lerik-Hamarat-Vijaker yolunda qar uçqunu olub
Lerik, 24 fevral, AZƏRTAC
Lerikdə qeyri-sabit hava şəraiti qar uçqununa səbəb olub.
AZƏRTAC-ın bölgə müxbiri xəbər verir ki, cənub bölgəsinə yağan güclü qar yollarda avtomobillərin hərəkətinə çətinlik yaradıb. Lənkəran-Lerik magistralı açıq olsa da, ucqar dağ kəndlərinə gedən yollarda problem qalmaqdadır.
Rayonun Lerik-Hamarat-Vijaker yolunda isə qar uçqunu baş verib, yaxın kəndlərə gediş-gəliş çətinləşib. Hazırda ərazidə təhlükəsizlik tədbirləri görülür.
Lerik fövqəladə hallar komissiyasının sədri Habil Məlikovun sözlərinə görə, yolun qardan təmizlənməsi işlərinə başlanılıb.
Bölgədə günəşli hava müşahidə edilir.
Bölmənin digər xəbərləri
