LEX KAÇİNSKİ POLŞANIN YENİ PREZİDENTİDİR
AZƏRTAC İTAR-TASS-a istinadla xəbər verir ki, Lex Kaçinski Polşanın yeni prezidenti seçilmişdir. Bunu oktyabrın 24-də Varşavada, Polşa Seymində Lex Kaçinskinin özünün, Prezident Aleksander Kvasnevskinin və ölkənin digər aparıcı siyasətçilərinin iştirakı ilə keçirilən mərasimdə Dövlət Seçki Komissiyasının sədri Ferdinand Rımaj bəyan etmişdir.
Seçicilərin 54,04 faizi Lex Kaçinskiyə, 45,96 faizi isə onun rəqibi Donald Tuska səs vermişlər. Bu rəqəmlər rəsmi və qəti xarakter daşıyır.
Prezident seçkilərinin ikinci turunda səsvermə hüququ olan ölkə vətəndaşlarının 50,99 faizi iştirak etmişdir.
Bölmənin digər xəbərləri
