Liviyada daşqın fəlakəti: ölənlərin və itkin düşənlər sayı artır
Bakı, 13 sentyabr, AZƏRTAC
Liviyada baş verən daşqınlar nəticəsində həlak olanların sayı 5 min nəfəri ötüb, itkin düşənlərin sayı 10 minə yaxınlaşıb.
AZƏRTAC CNN telekanalına istinadla xəbər verir ki, yerli hakimiyyət orqanlarının son məlumatına əsasən, təbii fəlakət nəticəsində 5,3 min nəfər ölüb, 10 minə yaxın insan isə itkin düşmüş hesab olunur.
Sentyabrın 10-da Liviyanı cənginə alan “Daniel” siklonu ölkənin şərq rayonlarına son 40 ilin ən güclü yağışlarını gətirib. Ən acınacaqlı vəziyyət 6 min nəfərin itkin düşdüyü Derna şəhərində qeydə alınıb. Burada iki su bəndinin dağılması nəticəsində şəhər su altında qalıb.
Bölmənin digər xəbərləri
