“LUKOYL” QAZAXISTANDA FƏALİYYƏTİNİ GENİŞLƏNDİRİR
Qazaxıstan prezidenti Nursultan Nazarbayev Almatıda Rusiyanın “LUKoyl” şirkətinin rəhbəri Vahid Ələkbərovu qəbul etmişdir.
AZƏRTAC-ın xüsusi müxbiri xəbər verir ki, “LUKoyl”un prezidenti Xəzər şelfində Qazaxıstana məxsus perspektivli neft və qaz yataqlarının kəşfiyyat layihələrini N.Nazarbayevə təqdim etmişdir. Qazaxıstan prezidenti layihələri bəyənmişdir. Layihələrə görə, “Kazmunayqaz” Dövlət Şirkətinin “LUKoyl”la birgə müəssisə yaradacağı nəzərdə tutulur.
Vahid Ələkbərov demişdir ki, hazırda Xəzərdəki Xvalın (rusca Xvalınskoye) və “Mərkəzi” yataqlarında gərgin iş gedir. Xvalın yatağında Qazaxıstanla birgə kəşfiyyat aparılması haqqında sənəd imzalanacağı gözlənilir. Tərəflər pay bölgüsünün yarıbayarı olacağı barədə razılığa gəlmişlər.
Son 6 il ərzində “LUKoyl” Qazaxıstanın neft-qaz sektoruna 1 milyard dollar məbləğində sərmayə qoymuşdur. V.Ələkbərovun sözlərinə görə, bu, son hədd deyil.
Qulu Kəngərli
AZƏRTAC-ın xüsusi müxbiri
Almatı
Bölmənin digər xəbərləri
