Macarıstanda gənclərə mənzil dəstəyi proqramına start verilir
Budapeşt, 3 sentyabr, AZƏRTAC
Macarıstanın bir sıra şəhərlərində gənclərin dəstəklənməsinə və regionların inkişafına yönəlmiş proqrama start verilib. Təşəbbüs çərçivəsində 18-35 yaş arası gənclər kirayə haqqı olmadan mənzil ala biləcəklər - onlar yalnız kommunal xidməti xərclərini ödəyəcəklər.
AZƏRTAC xəbər verir ki, iştirakçılar üçün iki ilədək yaşayış üçün əlçatan olan təmirli və tam əşyalı mənzillər hazırlanıb. Proqram tələbələr, gənc mütəxəssislər və kiçik şəhərlərdə davamlı olaraq qalmaq istəyən işçilər üçün nəzərdə tutulub.
İştirak üçün şərtlərə müəyyən rayonlarda yaşamaq və ya işləmək, öz evinin olmaması, icarə müddəti bitdikdən sonra ən azı iki il daha şəhərdə qalmaq üçün hazır olması, eləcə də könüllülük layihələrində iştirak daxildir.
Seçimdə uşaqlı ailələrə, sosial cəhətdən həssas kateqoriyalardan olan namizədlərə və tələb olunan peşələr üzrə mütəxəssislərə üstünlük veriləcək. Müraciətlər sentyabrın sonuna qədər qəbul edilir, nəticələr yazılı şəkildə iştirakçılara göndəriləcək.
Layihənin əsas məqsədi eyni zamanda yerli icmaları və regional iqtisadiyyatı gücləndirməklə yanaşı, gənclərin kiçik şəhərlərdə yaşayıb peşəkar böyümələrinə şərait yaratmaqdır.
AZƏRTAC-ın xüsusi müxbiri
Budapeşt
Bölmənin digər xəbərləri
