MADRİDİN “REAL” KLUBU DÜNYANIN ƏN VARLI KOMANDASIDIR

17.02.2006 [22:08]
Çap et
A⁺ A^-

AZƏRTAC Röyter agentliyinə istinadla xəbər verir ki, Madridin “Real” klubu 2004/05-ci illər mövsümündə 275,7 milyon avro qazanmışdır. Beləliklə, madridlilər dünyanın ən varlı futbol klublarının reytinqində səkkiz il “hökmranlıq etmiş” Londonun “Mançester Yunayted” klubunu geridə qoymuşlar. Həmin mövsümdə ingilislərin gəliri 246,4 milyon avro olmuşdur.

Reytinqdə ilk 20 yeri tutan klubların ümumi gəliri üç milyard avrodan çoxdur. “Real”ın gəliri, ilk növbədə, Devid Bekhem, Zinədin Zidan və Ronaldo kimi futbolçuların şan-şöhrəti sayəsində artmışdır.

Çukotka qubernatoru Roman Abramoviçin ötən il 4-cü yerdə olmuş “Çelsi” klubu 220,8 milyon avro əldə edərək, bir pillə aşağı düşmüşdür. İkinci və üçüncü yerlərə isə müvafiq surətdə 234 və 229,4 milyon avro qazanan İtaliyanın “Milan” və “Yuventus” klubları çıxmışlar.

Dünyanın ən varlı klublarının reytinqində ilk onluğa İspaniyanın “Barselona” (207,9 milyon avro), Münxenin “Bavariya” (189,5), Çempionlar Liqasının qalibi, İngiltərənin “Liverpul” (181,2), Milanın “İnter” (177,2) və Londonun “Arsenal” (171,3) komandaları da daxildir.

MADRİDİN “REAL” KLUBU DÜNYANIN ƏN VARLI KOMANDASIDIR

MÜƏLLİFLƏ ƏLAQƏ

Bölmənin digər xəbərləri