Magistraturaya qəbul imtahanının I mərhələsinin nəticələri ilə bağlı bəzi statistik göstəricilər
Bakı, 28 fevral, AZƏRTAC
Ali təhsil müəssisələrinin və AMEA-nın magistraturalarına keçirilmiş qəbul imtahanının birinci mərhələsinin nəticələri imtahandan iki gün sonra fevralın 26‑da elan olunub.
Dövlət İmtahan Mərkəzindən AZƏRTAC-a bildirilib ki, 2019-cu il fevralın 24-də keçirilən imtahanda iştirak etmək üçün 12684 bakalavr qeydiyyatdan keçib və onlardan 118 nəfəri (qeydiyyatdan keçənlərin 0,93 faizi) imtahana gəlməyib. 2017 və 2018-ci illərdə isə imtahanda iştirak etmək üçün müvafiq olaraq, qeydiyyatdan keçən 13081 və 12387 nəfərin 109 (0,83 faiz) və 146-sı (1,18 faiz) imtahana gəlməyib. 2016, 2015 və 2014-cü illərin analoji göstəricilərinə nəzər salsaq görərik ki, imtahanda iştirak etmək üçün qeydiyyatdan keçən bakalavrların sayı demək olar ki, son üç ildəkindən təxminən 2 dəfə çox olub. Bununla yanaşı, qeyd etmək lazımdır ki, 2014-2016-cı illərdə imtahana gəlməyənlərin qeydiyyatdan keçənlər içərisindəki payı 6-12 faiz arasında olub. 2017-2019-cu illərdə isə bu göstərici 1,18 faizdən yüksək olmayıb. Son illər magistraturaya qəbul imtahanlarının ödənişli olması imtahanda iştirak etmək üçün daha məqsədyönlü və hazırlıqlı bakalavrların qeydiyyatdan keçməsinə zəmin yaradıb.
Bakalavrların imtahanda göstərdikləri nəticələri müvafiq illər üzrə müqayisə etdikdə yuxarıda qeyd olunanların təsdiqini görmək olar. 2018 və 2019-cu illərdə imtahanda iştirak edən bakalavrların müvafiq olaraq, 49,73 faiz və 53,61 faizi 50 baldan yuxarı nəticə göstərib. 2014-2016-cı illərdə isə 50 baldan yuxarı nəticə göstərənlər imtahanda iştirak edənlərin təxminən 25-32 faizini təşkil edib.
Bakalavrların imtahan nəticələrinə əsasən bu il median göstəricisi 51,36 bal olub. Bu, o deməkdir ki, imtahan iştirakçılarının (12545 nəfər) yarısı - 6273 nəfər bu göstəricidən daha yuxarı, qalan yarısı isə daha aşağı bal toplayıb.
2018-ci ildə isə median daha aşağı - 49,91 bal olub. İmtahanda iştirak edən 12241 bakalavrdan 6121 nəfər 49,91-dən yuxarı, qalanları isə aşağı bal toplayıb.
2019-cu ildə 91 və daha yuxarı bal toplayanların sayı 23 nəfər, 81 və daha yuxarı bal toplayanların sayı 336 nəfər, 71 və daha yuxarı bal toplayanların sayı 1369 nəfər olub. 2018-ci ildə isə müvafiq göstəricilər 11, 137 və 872 nəfərdir. Göründüyü kimi, bu il yüksək bal toplayanların sayı artıb.
Bu il imtahanda iştirak edənlərin 7271 nəfəri (57,96 faiz) cari ilin, 5274 nəfəri (42,04 faiz) əvvəlki illərin məzunları olub. Ötən il bu göstəricilər müvafiq olaraq 6793 (55,49 faiz) və 5448 (44,51 faiz) olub. Bu il cari ilin məzunlarının imtahan iştirakçıları arasındakı payı ötən illə müqayisədə 2,47 faiz artıb.
Cari il məzunlarının imtahanda əldə etdikləri nəticələr əvvəlki illərin məzunlarından hər il olduğu kimi bu il də yüksək olub. Belə ki, imtahanda cari il məzunlarının 65,94 faizi ən azı 50 bal topladığı halda, belələrinin əvvəlki ilin məzunları arasındakı payı 34,06 faiz olub. Ötən il bu göstəricilər müvafiq olaraq 63,80 faiz və 36,20 faizə bərabər olub.
Bu il imtahan iştirakçılarının 5434-ü (43,32 faiz) oğlan, 7111-i (56,68 faiz) qız olub. Ötən il də təxminən eyni mənzərənin şahidi oluruq. 2018-ci ildə imtahanda iştirak edənlərin 42,79 faizini (5238 nəfər) oğlanlar, 57,21 faizini (7003 nəfər) isə qızlar təşkil edib.
2018-ci ildə olduğu kimi, bu il də qızlar oğlanlara nisbətən imtahanda daha yaxşı nəticə göstəriblər. 2018-ci və 2019-cu illərdə qızların müvafiq olaraq 55,53 faiz və 55,28 faizi, oğlanların isə müvafiq olaraq, 44,47 faizi və 44,72 faizi imtahanda ən azı 50 bal toplayıb.
Aşağıdakı cədvəllərdə bakalavrların 2019-cu və 2018-ci illərdə topladıqları ballar üzrə histoqramlarla tanış olmaq mümkündür.
Ballar üzrə histoqram (2019-cu il, I mərhələ)
İştirakçıların sayı: 12545
|
Bal intervalları |
Bakalavrların sayı |
Bakalavrların cəmi sayı |
|
96 - 100 |
3 |
3 |
|
91 - 95 |
20 |
23 |
|
86 - 90 |
100 |
123 |
|
81 - 85 |
213 |
336 |
|
76 - 80 |
396 |
732 |
|
71 - 75 |
637 |
1369 |
|
66 - 70 |
904 |
2273 |
|
61 - 65 |
1223 |
3496 |
|
56 - 60 |
1565 |
5061 |
|
51 - 55 |
1664 |
6725 |
|
46 - 50 |
1653 |
8378 |
|
41 - 45 |
1464 |
9842 |
|
36 - 40 |
1114 |
10956 |
|
31 - 35 |
789 |
11745 |
|
0 - 30 |
800 |
12545 |
Ballar üzrə histoqram (2018-ci il, I mərhələ)
İştirakçıların sayı: 12241
|
Bal intervalları |
Bakalavrların sayı |
Bakalavrların cəmi sayı |
|
96 - 100 |
0 |
0 |
|
91 - 95 |
11 |
11 |
|
86 - 90 |
36 |
47 |
|
81 - 85 |
90 |
137 |
|
76 - 80 |
248 |
385 |
|
71 - 75 |
487 |
872 |
|
66 - 70 |
828 |
1700 |
|
61 - 65 |
1133 |
2833 |
|
56 - 60 |
1452 |
4285 |
|
51 - 55 |
1802 |
6087 |
|
46 - 50 |
1821 |
7908 |
|
41 - 45 |
1600 |
9508 |
|
36 - 40 |
1258 |
10766 |
|
31 - 35 |
789 |
11555 |
|
0 - 30 |
686 |
12241 |
Bölmənin digər xəbərləri
