Marina Durunda IV İslam Həmrəyliyi Oyunlarında ikinci qızıl medalına sahib olub
Bakı, 14 may, AZƏRTAC
Mayın 14-də Azərbaycan gimnastı Marina Durunda IV İslam Həmrəyliyi Oyunlarında özünün ikinci qızıl medalını qazanıb.
AZƏRTAC xəbər verir ki, halqa ilə hərəkətlər üzrə fərdi yarışlarda 17.600 xal toplayan M.Durunda IV İslam Həmrəyliyi Oyunlarında ikinci dəfə çempion olub. Digər idmançımız Jalə Piriyeva isə 16.050 xalla üçüncü yeri tutub.
Gümüş medala isə 16.450 xalla özbəkistanlı Anastasiya Serdyukova sahib olub.
Bölmənin digər xəbərləri
