Marneulidə yaşayan soydaşımız şahmat yarışlarında qızıl medala layiq görülüb
Tbilisi, 5 iyun, AZƏRTAC
Marneulidə yaşayan soydaşımız Emil Allahverdiyev şahmat üzrə yarışlarda qızıl medala layiq görülüb.
AZƏRTAC xəbər verir ki, Gürcüstan Şahmat Federasiyasının təşkilatçılığı ilə iyunun 4-dən 5-dək keçirilən yarışlarda Marneulidə yaşayan soydaşlarımız da iştirak ediblər. “Çay evi” Şahmat Klubunun yetirməsi Emil Allahverdiyev IV dərəcə yarışlarında 7 mümkün xaldan 6 xal toplayaraq yarışı birinci pillədə başa vurub.
E.Allahverdiyev federasiyanın təşkil etdiyi III dərəcə yarışlarına vəsiqə qazanıb.
Qeyd edək ki, E.Allahverdiyev bundan əvvəlki V dərəcə yarışında 5,5 xal toplayaraq ikinci yerə sahib olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
