May ayında “CTE” - “Xəzər: Ətraf mühit üçün texnologiyalar” Beynəlxalq sərgi və konfransı keçiriləcəkdir
Bakı, 29 mart (AZƏRTAC). Mayın 10-12-də Bakı Sərgi Mərkəzində “CTE” - “Xəzər: Ətraf mühit üçün texnologiyalar” Beynəlxalq ətraf mühit sərgi və konfransı (CTE) keçiriləcəkdir.
AZƏRTAC xəbər verir ki, Xəzəryanı və Qafqaz regionunda keçirilən ən iri ekologiya və ətraf mühitin mühafizəsi sərgisi olan “CTE” Azərbaycanda biznesin inkişafı üçün əlverişli vasitəçi olacaqdır. Sərgi çərçivəsində yeni tərəfdaş axtarışı, bazarın təhlili, istehlakçılar ilə səmərəli iş aparmaq üçün şərait yaradılacaqdır.
“Ətraf mühit və iqlim”, “Təbii ehtiyatlardan səmərəli istifadə”, “Alternativ və bərpaolunan enerji” bölmələrindən ibarət sərgi Azərbaycanda həyata keçirilən ekoloji layihələrə beynəlxalq və yerli ictimaiyyətin diqqətini cəlb etmək, mütəxəssislərə, həmçinin ziyarətçilərə bu sahədə məlumatları vasitəsiz çatdırmaq imkanı, potensial sifarişçi və tərəfdaşlar ilə işgüzar görüşlər keçirmək fürsəti yaradacaqdır.
Bölmənin digər xəbərləri
