MAYIN 28-DƏ TORONTO ŞƏHƏRİNDƏ AZƏRBAYCAN BAYRAĞI UCALDILACAQDIR
Bakı, 30 aprel (AZƏRTAC). Mayın 30-da Toronto şəhərində Kanada - Azərbaycan Təşkilatları Assambleyasının (KATA) birinci qurultayı keçiriləcəkdir.
Diaspor ilə İş üzrə Dövlət Komitəsinin mətbuat xidmətindən bildirmişlər ki, KATA may ayında bir sıra tədbirlər keçirməyi planlaşdırır. Mayın 28-də Respublika günü münasibətilə Toronto bələdiyyəsində Azərbaycan bayrağının ucaldılması mərasimi keçiriləcəkdir.
Mayın 29-da isə Toronto Universitetində Dövlət Komitəsinin dəstəyi ilə “Xəzəryanı ölkələrin xarici siyasətinin formalaşmasında enerji resurslarının rolu” mövzusunda elmi-praktik konfrans təşkil olunacaqdır.
Bölmənin digər xəbərləri
