MDB-nin Hidrometeorologiya üzrə Dövlətlərarası Şurasının 33-cü iclası keçirilib
Bakı, 14 sentyabr, AZƏRTAC
Sentyabrın 14-də Müstəqil Dövlətlər Birliyinin Hidrometeorologiya üzrə Dövlətlərarası Şurasının 33-cü iclası keçirilib.
Videokonfrans formatında keçirilən iclasda MDB ölkələrinin 10 milli hidrometeorologiya xidmətinin rəhbəri, Ümumdünya Meteorologiya Təşkilatı və Birliyin İcraiyyə Komitəsinin nümayəndələri iştirak ediblər.
AZƏRTAC MDB İcraiyyə Komitəsinin mətbuat xidmətinə istinadla xəbər verir ki, iclasda milli hidrometeorologiya xidmətlərinin fəaliyyətinə, onların Müstəqil Dövlətlər Birliyi və Ümumdünya Meteorologiya Təşkilatı çərçivəsində qarşılıqlı fəaliyyətinə, MDB ölkələrinin hidrometeorologiya fəaliyyətinin inkişafı Strategiyasının icrasına dair məsələlərə baxılıb.
Görüşdə, həmçinin MDB məkanında mülki aviasiyanın hava gəmilərinin uçuşlarının meteoroloji təminatı, su obyektlərində hidrobioloji müşahidələrin təşkili və keçirilməsi, hidrometeoroloji proseslərə fəal təsiri sahəsində əməkdaşlığı mövzuları müzakirə edilib.
Bundan başqa, Dövlətlərarası Şuranın üzvləri elmi əməkdaşlıq, kadr potensialının artırılması, Yer kürəsinin müşahidə edilməsi Qrupunun fəaliyyətində iştirak etmə məsələlərini müzakirə ediblər.
Bölmənin digər xəbərləri
